DCCCII: Daghang negosyo sa Davao nakabalik na sa operasyon

15

Davao City – Ubay-ubay na ka mga negosyo ang nakabalik sa operasyon dinhi sa syudad sa Davao ilawom sa Modified General Community Quarantine (MGCQ).

Sumala ni Davao City Chamber of Commerce and Industry (DCCCII) President John Carlo Tria atol sa interview sa DXDC RMN Davao, kini base lamang sa iyahang nakita ug nahinabi nga anaa sa business sectors.

“Wala pa gyud tay numero kay by the end of the year pa nato na mahibal-an ang official data,” sumala ni Tria.

Nagpahimangno kini sa mga business owners nga motuman ug hugot nga i-imposar sulod sa ilang mga opisina ug establisyemento ang health protocols aron dili mokaylap ang COVID-19 aron luwas ang ilang mga trabahante.

Panawagan usab niini sa publiko nga magtinabangay pinaagi sa pagsuporta sa lokal nga mga produkto ug serbisyo.

RadyoMaN Aimee Guinita

Facebook Comments