Davao City – Andam na nga mo-atiman ang Davao City Overland Transport Terminal (DCOTT) sa gilaumang pagdagsa sa mga pasahero nga mobiyahe paingon sa nagkadaiyang probinsya sa rehiyon ug ubang lugar sa Mindanao alang sa Kalag-Kalag.
Sumala ni Aiza Yusop, DCOTT Operations Manager, ipaagi sa baggage x-ray machine ang mga bagahe, samtang sa walk-through detectors ang mga pasahero nga mosakay sa mga bus.
Gipaneguro usab ni Yusop nga anaa sa kondisyon ang mga bus drivers ug conductors human gihimo ang random ‘Undaspot’ drug test sa pagpanguna sa Philippine Drug Enforcement Agency (PDEA-XI) ingon man gi-inspection sa Land Transportation Office (LTO-XI) ang mga bus units alang sa luwas nga pagbiyahe.
Tungod niini, nanawagan si Yusop sa mga pasahero nga motuman sa mga gipatumang palisiya sa city terminal aron mamahimong hapsay ug luwas ang pagbiyahe sa tanan atol sa Todos Los Santos.
RadyoMaN Bernard Pantallon
