General Santos City–Blangko pa karon ang police station 6 sa ilhanan sa suspect sa pagpanungab patay sa usa ka Marvin Villaruz, 28 anyos ug nanimuyo sa barangay Ligaya, GenSan human nga paspas nga misibat palayo sa maong lugar ang nasangpit nga suspect human nga gibuhat ang krimen.
Sumala pa ni Police Major Tirsu Pascual ang hepe sa Police Station 6 nga sa karon padayon ang ilahang ginahimong imbistigasyon kabahin niini ug gipaabot nalang nila ang kopya sa CCTV sa panimalay nga anaa sa maong lugar kung asa posible matud pang nakuhaan ang tanang panghitabo.
Pinaagi matud pa niini mamahimo nilang makita ang nawong sa suspect ug ang nawong niini aron nga mapakatag nila sa ubang estasyon sa kapulisan.
Samtang posibleng nagsuya-ay lang sa maong lugar sa dihang nag inom ang suspect ug ang biktima nga misangko ngadto sa pagpanunggab. Mao kini ang usa sa mga an ggulong ginatan-aw sa kapulisan tungod kay wala matud pa silay makita-an nga adunay daang bingkil ang mga nasampit ayha pa nahitabo ang krimen.
Kung kahinumduman nga gidungab sa nahisgutang suspect ang biktima nga si Villaruz 1:45 ang takna sa kaadlwaon samtang kini nag-inum ug ilimnong makahubog sa uas ka tindahan sa maong lugar.(Dave Silagan)
