Davao City – Gikumpirma sa kadumalahan sa Davao City Overland Transport Terminal (DCOTT) nga ginatugotan nga makasulod sa terminal ug maka biyahe ang mga menor de edad.
Sa interbyu sa DXDC RMN Davao kang Aiza, DCOTT Manager, gibutyag niini nga adunay pagtugot sa Land Transportation Franchising and Regulatory Board (LTFRB)-XI ang pagbiyahe sa mga bata basta aduna lamay mga dokumento nga nagpamatuod nga nganong kinahanglan nga kuyogon sa biyahe ang ilang dala nga menor.
“So far, gina-allow na sa atong LTFRB pero naa pud nay mga requirements and justification nganong kinahanglan nila nga kuyogon ang ilahang anak (sa biyahe),” tataw ni Usop.
Dugang ni Usop, istrikto nga ginapatuman sulod sa terminal ang pagbaton og face mask, face shield, social distancing, ingon man Davao QR (Quick Response) Code pasulod sa terminal isip measures batok sa Coronavirus Disease 2019 (COVID-19).
RadyoMaN Kirby Manzon
