Davao City – Angay nga tumanon ang mga protocols pasulod sa Davao City Overland Transport Terminal (DCOTT) sa new normal nga sitwasyon karon gumikan sa Coronavirus Disease 2019 (COVID-19).
Sa interbyu sa DXDC RMN Davao kang Aiza Usop, DCOTT Manager, gibutyag niini nga human sa pag-agi sa mga pasahero sa Task Force Davao (TFD) checkpoint, dili pa dayon makasulod sa terminal nahisgutan hangtud nga wala pay kumpirmasyon nga luwas na’ng mukanaog ang mga pasahero.
“Dili sa nato pasudlon ang atoang mga bus. Diha lang gyud sila sa terminal drive ug i-hold pa nato ang mga pasahero, dili sa pakanaogon. Until such time nga naay mutawag sa akoa or mag inform nga okay na, clear na ang tanang mga pasahero sa bus number one,” saysay ni Usop.
Una nang gikumpima sa DXDC ni Usop nga balik-operasyon na ang DCOTT karong Lunes, Mayo 25, 2020.
RadyoMaN Kirby Manzon
