DCPO: Chinese New Year celebration malinawon

19

Davao City – Hapsay ug walay natalang mga insidente ang Davao City Police Office (DCPO) sa selebrasyon sa Chinese New Year dinhi sa syudad sa Davao kagahapong adlawa (Pebrero 12, 2021).

Sa interbyu sa DXDC RMN Davao kang Police Captain Rosario Aguilar, DCPO Spokesperson, gibutyag niini nga bisan og walay gitugot nga physical activities sa okasyon, aduna gihapoy gi-deploy ang DCPO nga mga personahe partikular na sa mga China town areas.


“Wala man gyoy activities nga magtapok but atoang security measures wala man nato ginaog. So, naa gihapon ‘tay deployed personnel especially sa ground,” matud ni Aguilar.

Nasayran nga nagbaton og virtual event nga gihatud sa City Government of Davao pinaagi sa Davao City Chinatown Development Council in partnership sa Chinese Consulate General in Davao.

Misentro usab ang mensahe ni Davao City Mayor Sara Duterte-Carpio sa pagpakusog pa sa relasyon tali sa Davaoeños ug sa Chinese community sa dakbayan.

“We wish that the year of the metal Ox will be filled with more good fortune, and more opportunities for us to forge a stronger friendship and lasting unity and good will for many years to come. We have proven that our friendship has transcended beyond happy occasion as we remained to be each other’s stronghold even during the challenging times that tested the strength and depth of our unity,” mensahe sa Alkalde.




Sa virtual event, gipakita usab ang kasaysayan o history sa pagsugod sa Chinese community sa syudad sa Davao ug ang mga nahimong aktibidad uban ang City Government of Davao hangtud ning kasamtangang panahon.

RadyoMaN Kirby Manzon

Facebook Comments