Davao City – Nagtuo si Davao City Police Director Col Kirby John Kraft nga adunay epekto ang Enhanced Community Quarantine (ECQ) sa pag pugong aron dili na mudaghan pa ang matakdan coronavirus dinhi sa syudad sa Davao.
Sumala ni Col Kraft nga ang bag ong guidlines sa ECQ aduna nay ngipon nga makapahimo sa mga otoridad nga frontliners diha sa pag aresto sa mga masinupakon aron musantop sa huna huna sa publiko nga mas palabihon nga magpundo sa balay.
Matud ni Col Kraft nga ang polisya sa paghupot ug FM PASS sa usa ka membro sa pamilya maoy mahimong hinagiban sa mga otoridad nga madisiplina ang publiko sa dili pag gawas sa balay tungod kay adunay silay malapas nga lagda sa gipahugtan nga lockdown sa syudad sa Davao.
“Kung walang FM PASS atin po silang aarestuhin pa-filan po natin ng kaukulang kaso. Katulad po rito yong disobedience sa hindi po pagsunod sa nagpatupad ng batas. Violation po ito ng Art. 151 ng Revised Penal Code” matod ni Kraft.
Peru malaumon ang nasangpit nga opisyal sa kapulisan nga dili na musangko ang syudad sa pagdeklara ug Extreme Enhanced Community Quarantine tungod kay ang mga dabawenyo disiplinado.
RadyoMaN Erin Lumosbog
