Davao City – Preparado na ang kapulisan sa Davao City Police Office (DCPO) alang sa pagpatuman sa hugot nga seguridad sa mga area of activities sa selebrasyon sa Chinese New Year karong adlaw’ng Dominggo, Enero 22, 2023.
Sa interbyu sa DXDC RMN Davao kang Police Major Catherine Dela Rey, Spokesperson sa DCPO, gibutyag niini nga kapin 300 ka police ang i-deploy sa mga lugar sa aktibidad ug establisimento nga tambongan sa mga tawo.
Segun sa tigpamaba, dunay himuong misa sa San Pedro Cathedral, samtang ang opening program sa Rizal Park ning dakbayan.
Subling nagpahinumdom si Dela Rey, gidili ang mga firecrakers o pyrotechnics ug pagpasiga og fireworks display, subay sa city ordinance nga gipatuman sa dakbayan kinsa hingpit nga nagdili sa pagpabuto.
RadyoMaN Don Pulayao
Facebook Comments
