Social Pension payout sa mga Senior Citizens, semestral na sigon sa DSWD

Gikabutyag karon sa Department of Social Welfare and Development (DSWD) nga matag unom ka bulan kon semestral na ang release social pension sa mga Senior Citizens.

Sa interview sa RMN Malaybalay ngadto kang Rose Cherry Ruiz, Regional Information Officer for Protective Services sa DSWD-Northern Mindanao, gibutyag niya nga mamahimong makadawat og tag 3 mil ka pesos ang matag Senior Citizen kada unom ka bulan.

Kini sumala pa aron nga malikayan ang pagbalik-balik sa mga senior citizens kung asa sa milabayng tuig quarterly ang release niini.

Sa karon, anaa matud pa ang buhatan sa pagvalidate sa replacement sa mga nawala na sa listahan nga mga senior citizens ilabi na ang mga bag-o nga nahilakip sa listahan.

Magsugod na matud pa ang payout sa social pension sa katapusang semana sa bulan sa Pebrero diin pagasugdan sa probinsya sa Lanao Del Norte ug Camiguin, padulong sa ubang mga probinsya sa Rehiyon X.

Gahulat usab ang buhatan sumala pa sa direktiba kabahin sa dugang usa ka libo ka pesos sa social pension sa mga senior citizens.

Facebook Comments