Davao City – Magdugang og security personnel ang Davao City Police Office (DCPO) karong final deployment sa adlaw’ng Dominggo, Marso 26,2023 gawas nga duna nay naka deploy sukad niadtong adlaw’ng Biyernes Marso 24 atol sa Ironman 70.3.
Sa interbyu sa DXDC RMN Davao kang Police Major Catherine dela Rey Spokesperson sa DCPO nga mas daghang personahe ang i-deploy karong Domingo tungod highlight kini sa mga aktibidad sa triathlon competition.
Segun ni dela Rey nga gibana bana-ang mokabat 4,000 ka security personnel ang i-deploy ngadto sa mga event area.
Gidugang ni dela Rey nga lakip pabantayan sa mga awtoridad ang mga hotel kung asa magpundo ang mga atleta ug mga event organizers.
“Ang pinakadaghan nga deployment karong Domingo (kay) mao man tong naa nay kompleto nga running, biking ug swimming,” sulti ni Dela Rey.
RadyoMaN Don Pulayao
Facebook Comments
