Davao City-Kapin 400 ang naaresto sa kapulisan sa siyudad sa Dabaw sa gipakusgang kampanya batok iligal nga sugal ug subay sab sa direktiba ni PNP Chief Director General Ronald Bato dela Rosa ngadto sa mga regional directors nga hingpit ng tapuson ang illegal gamblings sa nasud sulod sa kinse ka diyas.
Sa gipagula nga datos sa Davao City Police Office kun DCPO, sa kinatibuk-an dunay natala nga 447 ang naaresto sa gipahigayong 236 ka mga operasyon dinhi sa dakbayan sukad nga nagsugod ang kinse ka diyas nga operasyon kaniadtong July 24, 2017 diin nahuman na kini kagahapong adlawa.
Klase-klase sa iligal nga sugal ang natala sa kapulisan nga naga-operate gihapon dinhi sa siyudad sama sa last two, hantak, sabong, mahjong, cards, e-games, ug bingo.
Ginahulat pa sab ang resulta sa gipahigayong operasyon sa tibuok rehiyon XI diin sa text nga gipadala ni Police Regional Office kun PRO XI Spokesperson Police Senior Inspector Catherine Dela Rey, nagpahigayon sila karon og evaluation ug validation.
Kasamang Renz Barbarona
