Davao City – Automatic na sumala pa nga mabutang sa heightened alert status ang syudad sa Davao ugaling adunay mga insidente sa pagpamomba sama sa nahitabo’ng twin bombings sa Jolo, Sulu kagahapong adlawa (Agosto 24, 2020).
Sa interview sa DXDC RMN Davao kang Davao City Police Office (DCPO) Director Pol. Col. Kirby John Kraft, gibutyag niini nga naka full alert karon ang DCPO diin naka establisar usab kanunay ang mga quarantine control points sa syudad ug ang pagpahigayon og mga security checkpoints.
“Naka full alert naman po ang Davao City Police Office at yung iba pong security forces po sa Davao City. So, automatic na po ‘yun kapag may ganyan pong insidente (bombings), nag ha-heightened alert po tayo,” matud ni Kraft.
Matud ni Kraft anaa sa threat level three (3) ang syudad rason nga kanunay’ng alerto ang kapolisan ug militar batok sa unsa mang hulga sa mga terorista o mga individual nga adunay planong musabwag og kagubot sa dakbayan.
Nanawagan kini sa publiko nga kung aduna may mga kadudahang indibidwal o butang, mamahimo kining i-report gilayon sa mga awtoridad aron masusi ug malikayan ang kagubot diin pinaka dali nga ma-report ang maong mga insidente mao ang pagtawag sa 911 emergency hotline.
RadyoMaN Kirby Manzon
