DCPO: Oplan DDS ug 24 hours checkpoint gipatuman sa syudad sa Davao

Davao City – Hugot nga security measure ipatuman sa Davao City Police Office (DCPO) alang sa pagbantay sa syudad sa Davao, human sa natigayong pagpamomba sa usa ka bus sa Koronadal City, South Cotabato.

Sumala ni Police Col Alberto Lupaz, DCPO City Director sa interbyu sa DXDC RMN Davao, gimugna sa DCPO ang Davao Defense System (DDS) usa ka pamaagi nga gi-adopt alang sa hugot nga pagbantay sa dakbayan Davao ug pagmuntar sa mga checkpoint sa kadalanan sulod sa 24 oras.

Segun ni Lupaz, padayon ang Oplan DDS lakip nang bantayan sa mga police ang mga dagkong simbahan, merkado, malls ug Davao City Overland Transport Terminal (DCOTT) aron masegurong dili malutsan sa mga dautang elemento nga mohimo og krimen.

Samtang, hugot nga seguridad ang ipatuman sa Davao City Police Office alang sa pagpanumpa ni presumptive Vice President Sara Duterte karong June 19, 2022 pinaagi sa inspeksyon nga himoon sa kapulisan sa mga mosulod ug gidili ang pagdala og pack bag ug pagsuot og jacket.

RadyoMaN Don Pulayao

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>