Estudyanteng dalagita buot amung-amongan sa habal-habal driver

71
Davao City – Giimbestigahan na karon sa Digos City Police Station ang insidente kung diin hapit nalugos ang 17 anyos nga estudyanteng babae sa gisakyan niining habal-habal driver sa Digos City, Davao del Sur.

Sa interbyu sa DXDC RMN Davao kang Police Lieutenant Colonel Hamlet Lerious, Officer in Charge (COP) sa Digos City Police Station, gibutyag niini nga taga Magsaysay ang estudyante diin magpasa unta kini og requirement sa iyang eskwelahan sa Digos City.

Sa report, nisakay ang estudyante og motor gikan Magsaysay padulong Bansalan ug nihanyag driver nga ihatud nalang siya lahos sa syudad sa Digos.

Matud sa pulis, inay ihatud sa eskwelahan, sa usa ka inn gidala sa driver ang menor de edad apan maayo na lamang kay daling nakaikyas ang estudyante ug nakapangayo og tabang.

Gibutyag usab sa Women and Children’s Protection Desk (WCPD) nga dili kaila sa biktima ang driver nga iyang gisakyan.

“Parang (mula sa) Magsaysay, nagsakay sila ng motor. Pumunta sila sa inn dito sa Digos. Ang sabi sa akin ng WCPD, nakasibat sya (biktima). Tapos ‘di daw kilala ng bata, ng 17 years old, bakit sya sumama sa habal-habal (driver),” saysay ni Lerious.



Sa pagkakaron, gina-check na sa awtoridad ang kuha sa CCTV (closed-circuit television) sa lugar aron maila ang suspek ug kini mapahamtang og tukmang kaso.

RadyoMaN Kirby Manzon


<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments