DCPO: Rallies, mass gatherings gidili ilawom sa MECQ

27

Davao City – Nagpahinumdom ang Davao City Police (DCPO) nga wala gitugot ang pagpahigayon og rally sama sa posibleng mass gathering sa progresibong grupo atol sa selebrasyon sa Independence Day karong adlawa (Hunyo 12, 2021).

Sa interbyu sa DXDC RMN Davao kang Police Colonel Kirby John Kraft, DCPO Director, gibutyag niini nga ilawom sa Inter-Agency Tak Force (IATF) Omnibus Guidelines for Community Quarantine partikular na sa Modified Enhanced Community Quarantine (MECQ), wala gitugot ang panagtapok sama sa rally diin ang gitugot lamang mao ang essential movements.


“I-discourage po natin na bawal po talagang mag-rally kasi nasa MECQ tayo (sa Davao). So, no mass gathering tayo. Kung gusto nilang mag ano ng kanilang saloobin na kanilang gustong ipalabas, pwede na man po ito through online,” sulti ni Kraft.

Pahimangno ni Kraft nga mag-atubang og kaso ang kinsa mang musupak o makalapas sa maong direktiba.

Girekomenda ni Kraft nga inay nga mag-rally sa gawas, himuon na lamang kini online aron dili makompromiso ang health and safety sa katawhan panahon sa pandemya.

RadyoMaN Kirby Manzon



Facebook Comments