DCPO: soft deployment sa parada dabawenyo, himuon

Davao City – Andam na ang tanan security personnel sa Davao City Police Office (DCPO), police auxiliary ug force multipliers alang sa hugot nga pagbantay sa Parada Dabawenyo karong Sabado, Marso 18, 2023.

Sa interbyu sa DXDC RMN Davao kang Police Major Catherine Dela Rey, tigpamaba sa DCPO, ipahigayon ang soft deployment alas 2:00 sa kadlawon sa mismong adlaw, Sabado.

Segun ni Dela Rey, base sa meeting nga gitambongan sa mga team leader sa mga station commander, lakip gihisgutan ang mga area kun diin diha sila gi-assign partikular na ang again sa parada gikan sa Roxas Avenue padulong San Pedro Square, Davao City.

Dugang ni Dela Rey, anaa sa 2,000 ka personahe ang i-deploy alang sa seguridad sa aktibidad.

Subling nagpahimangno ang DCPO spokesperson sa Dabawenyos nga mutabang sa awtoridad ilabi na kung adunay mamatikdan nga kadudahang lihok sa tawo, ug dali kining i-report sa awtoridad aron matagaan kini og aksyon.

RadyoMaN Don Pulayao

Facebook Comments