> JUST IN! Debate Team nan Caraga Regional Science High School nahimong NOVICE CHAMPION sa Taylor’s University Interschool Debating Championship sa Lakeside Campus, Subang Jaya, Selangor, Malaysia. An mga debaters naglangkob sa ila ni Ellea Krista Z. Aranas, Joshua Dy M. Ajoc, ug Danicka Jossette C. Dolores lakip kan Ed Bryan G. Canangca-an isip competing adjudicator. Tagpilde niini an Malaysia Team sa final round sa 6-1 split decision pabor sa Caraga Regional High School Team. Sa Novice Finals, nahimong Best Speaker isab si Aranas, ini pinaagi sa 5-1-1 split decision. Sumaya pa ni Ma. Luisa Guyano, an School Principal na sija ug an Asst. Schools Division Supt. Elisabeth Larase an tagkuyba kahapon sa kulbahinam na finals labi na kay maradjaw isab an Debate Team sa 80 ka lain-laing kanasuran. Human sa kadaugan, silom adlawa an tagtakda mouli na diri sa Pilipinas an Debate Team nan Caraga Regional Science High School. > > > > >
