ILOILO City – Nagtipon ang mga deboto agud i-reenact ang pag-abot sang imahen sang Señor Santo Niño sa syudad 50 ka tuig na ang nakaligad.
Palatandaan man ini sang pagsugod na sang Dinagyang week sa syudad.
Una nga ginpadala sa Cebu ang imahen agud mag-ilis sang iya wardrobe kag ginbalik sa syudad Lunes sang aga.
Matapos maglabay sa mga parokya sang Sta. Barbara kag San Agustin sa Sambag, Jaro kag sa General Luna gindala na sa San Jose Placer Parish ang imahen kun sa diin ginatos ka mga pumuluyo kag deboto ang nagsug-alaw sa Sto Niño.
Samtang nakadisplay ang imahen sa atubang sang simbahan, ginre-enact ang pagdala sang imahen sa Iloilo gikan sa Cebu sang Confradia Del Santo Niño de Cebu.
Ginsundan ini sang merry making palibot sa plaza libertad kag naghiwat man sang misa bilang pagdumdom kay fr. Ambrosio Galindez, nga ginakabig amay sang Dinagyang.
