Davao City – Usa ka maayong lakang ang pagwagtang sa height requirements sa aplikante sa Philippine National Police tungod kay mahatagan na ug higayon ang gustong magpolice karong panahona.
Sumala ni Lasang Davao City Barangay Captain Allan Simoag, usa ka welcome development ang maong katuyoan tungod kay dili ang height ang gibasehan sa usa ka matarong nga sakop sa PNP. Angayan lang usab nga ipatuman ang waistline limit sa mga police aron dili maglisod sa ilang paglihok , baskog ug makabaton sila og maayong kondisyon sa ilang panglawas.
Samtang supak si kanhi police ug karon barangay kapitan Rolando Trajera sa Barangay 76-A Bucana sa pagwagtang sa height requirements sa police tungod kay importante nga taas ug dako ang atong kapolisan.
Sumala ni Trajera, lupigon ang gamay nga police ilabina kung dagko ang ilang ma-engkwentrong dautang elemento. Giklaro usab ni Trajera , kinahanglang istriktohan gayud ang pagrecruit sa mga police aron maseguro nga maayo ang ilang makuha ug aron dili maghatag og problema sa han-ay sa Philippine National Police (PNP).
RadyoMaN Bernard Pantallon
