Pinayuhan ni Senate Impeachment Court presiding officer Chiz Escudero ang defense team na paalalahanan si Vice President Sara Duterte na saklaw o kasama siya sa pinakahuling ruling tungkol sa mahigpit na pagsunod sa sub judice rule.
Kaugnay na rin ito sa inilabas na pahayag ni VP Duterte tungkol sa mga name-calling o mga bansag na binitawan laban sa kanya ng prosecution team sa gitna ng impeachment trial na sabay naman sa inilabas na ruling ng impeachment court.
Paalala ni Escudero sa defense team na paalalahanan si VP Duterte tungkol sa ruling ng impeachment court partikular sa mahigpit na pagsunod sa Rule 18 ng senate impeachment court.
Ipinagbabawal sa rule na ito na magsalita sa alinmang interview o post sa social media ang pagtalakay sa merito ng impeachment case.
Iginiit ni Escudero na mahaharap sa parusa ang respondent dahil saklaw o kasama rin siya sa nasabing ruling.
Maglalabas naman ang senate impeachment court ng guidelines hinggil sa sub judice rule.
