ILOILO – Nagsumpa na sa Partido Demokratiko Pilipino- Lakas ng bayan (PDP-laban) si Governor Arthur Defensor Sr., 3rd district Congressman Arthur “Toto” Defensor Jr. kag si board member Lorenz Defensor sa Pototan astrodome, Huwebes sang aga, Enero 18.
Ginpangunahan ni house speaker Pantaleon Alvarez ang oath taking ceremony kon sa diin, nagsumpa man ang ginabulubanta 4 mil ka mga lideres sang mga kabanwahanan sa bilog nga tersier distrito nga ginalakipan sang mga alkalde, bise alkalde ,mga konsehal punong barangay kag mga barangay kagawad.
Nagtambong sa oath taking sanday Iloilo City lone district congressman Jerry Treñas, 1st district Congressman Richard Garin kag congresswoman Geraldine Roman.
Apisar wala nagsumpa sa partido, nagtambong man ang mga alkalde gikan sa 2nd kag 5th district sang Iloilo magluwas lang kay mayor Adolfo Jaen sang Leganes kag Mayor Niel “Beng” Tupas sang Barotac Viejo.
