Ginsabat ni DILG-Bacolod Chief Ma. Joy Marideth Madayag ang isyu angot sa delayed nga sweldo sang mga contact tracers nga gin-hire sang Department of Interior and Local Government.
Ang DILG-Bacolod ang nag-hire sang kapin 322 ka mga contact tracers nga gin-augment naman sa LGU.
Ini sila ang may sweldo nga (Salary Grade 9) 18,784.00 monthly sa sulod sang tatlo ka bulan nga contrata.
Suno kay Madayag nga may yara gid man sang delayed sa pag-release sang sweldo bangud nga wala pa na-download sang national office ang pondo.
Paathag ni Director Madayag nga sa 322 ka mga contact tracers sa Bacolod, kapin sa 311 na ang na-swelduhan para sa ila bulan sang Oktubre samtang ‘on process’ ang bulan sang Nobiembre.
Posible naman subong nga adlaw ukon sini nga semana ang e-download sang DILG-REGION 6 ang nabilin nga 11 nga wala pa na-swelduhan sang ila nga Oktubre.
Dugang pa ni Madayag nga lakip man sa pagdugay sang ila nga sweldo amo nga atrasado man ang submit sang ila nga DTR kag accomplishment report.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
