Davao City – Muabot na sa 16 ang total COVID-19 Delta cases sa Davao City.
Kini ang gikumpirma ni Dr. Michelle Schlosser, Spokesperson sa Davao City COVID-19 Task Force (sa interbyu sa city-owned radio), human nadugangan og napulo (10) ka Delta cases kagahapong adlawa (Agosto 25, 2021) ang kasamtangang unom (6) Delta cases sa syudad.
Matud ni Schlosser, sa 10 ka Delta cases, duha (2) niini mga returning Overseas Filipino Workers (OFWs) ug ang duha (2) ginakumpirma pa. Samtang ang unom (6) pulos local transmission.
“As of today, we already have sixteen (16) (Delta) cases. Nag 3, naging lima, naging unom tapos additional unom. Karon 16 na ‘ta. Naa ‘tay 10 additional Delta cases which brings our Delta cases into 16 for Davao,” butyag ni Schlosser.
Ang maong mga kaso nahilakip sa 169 specimens nga gipasa sa Davao Region sa Whole Genome Sequencing (WGS) niadtong July 29 ug August 25 diin gawas sa 10 ka Delta cases sa Davao, aduna usay natala nga 1 ka Delta case sa Davao del Norte ug 4 Delta cases sa Davao Oriental.
Sa pagkakaron, padayon ang gihimong pag-locate, pag-retrace, pag-reswab ug pag-reisolate sa mga pasyente lakip na sa mga F1, F2 ug F3 close contacts sa Delta cases.
RadyoMaN Kirby Manzon
