Davao City- Gikumpirma sa Department of Health Region XI nga adunay 79 ka mga variants of concerns nga natala sa Davao Region.
Segun sa DOH XI sa 185 ka mga samples nga gisumite ngadto sa Regional Epidemiology and Surveillance Unit to the University of the Philippines – Philippine Genome Center, 79 ang positibo sa COVID-19 variants diin 27 niini ang Alpha variants, 50 ka Beta variants ug duha ang positibo sa Delta variants.
Sumala sa DOH XI, na-detect ang duha ka Delta variants sa Davao City ug Tagum City nga parehong recovered na ang mga pasyente karon apan gikinahanglan nga i-isolate og usab tungod kay pending pa ang resulta sa gihimong repeat RT-PCR test kanila.
Nilusad og extensive contact tracing kutob sa third-generation close contacts ang LGUs karon.
Gimanduan sa DOH ang tanang LGUs nga pahugtan ang quarantine protocols, testing ug isolation.
Hugot nga nagpahimangno ang DOH sa publiko nga tumanon ang minimum public health measures sama sa physical distancing ug pagsuot og masks.
Alang sa dugang proteksyon sa deadly COVID-19, giawhag ang katawhan nga magpabakuna ug kumpletuhon ang duha ka doses sa prescribed interval.
RadyoMaN Aimee Guinita
