Mga 1:16 karong hapon, gipahibalo sa demolition team nga mopahawa na sila sa Purok 12, Barangay Tablon ning syudad.
Kini ang gibutyag ni Sheriff Fernando Loncion sa interview ni RadyoMaN Zaldy Ocon sa programang Kuskos Batikos 2nd edition sa dxCC-RMN Cagayan de Oro.
Matud ni Loncion nga mopahawa sila sa area tungod sa order ni Hon. Eleuteria Algodon, Executive Judge sa MTCC ning dakbayan.
Una nang gibutyag ni Atty. Dale Mordeno, legal counsel sa mga residente nga nag-file na sila og dinaliang mosyon aron mapugngan una ang demolisyon.
Matud ni Atty. Mordeno nga ugma sa alas 8:30 sa buntag gitakda ni Judge Algodon ang hearing sa hangyo nga malugwayan og 15 ka adlaw ayha hingpit nga ipatuman ang writ of demolition sa maong lugar.
Mokabat sa 240 ka mga balay ang apektado sa maong demolisyon ug kapin napulo na niini ang una nang nademolish kaganihang buntag.
By: RadyoMaN Annaliza Amontos-Reyes
PC: RadyoMaN Jao Gumapac
