Ginpa-activate ni Governor Arthur Defensor Sr. ang dengue fast lane sa mga pampubliko nga ospital sa probinsya sang Iloilo.
Angot diri, nagpaggwa na sang memorandum order si Dr. Raul Banias, Provincial Administrator kag Hospital Management Officer sa tanan nga mga Chiefs of Hospital sa probinsiya nga i-activate ang fast lanes para sa mga Dengue patients.
Suno kay Banias, paagi sa dengue fast lane, mas mapadasig kag mas ginpaayo ang serbisyo sa mga dengue patient.
Pagatinguhaan man nga malibre ang hospital bill sang mga pasyente nga may dengue sa idalom sang Philhealth program.
Nahibaluan nga may apat na ka patay nga narekord ang probinsiya tungod sa sakit nga dengue halin sa banwa sang Ajuy, Calinog, kag duha sa Janiuay.
Naglab-ot naman sa 735 ang kaso sang dengue sa probinsya sang Iloilo kag may posibilidad nga magtaas pa ini bangod sa padayon nga pag-ulan.
Photo from web
