DENGUE I Numero it mga namatay bangud sa dengue sa Western Visayas nag-abot eon sa 38, Aklan may daywa

38

Kalibo, Aklan – Nag-abot eon sa 38 rong mga namatay bangud sa masakit nga dengue sa bilog nga Western Visayas.
Base sa record it Department of Health (DOH-6), may kabilugan nga 5, 538 ka kaso it dengue sa rehiyon rong nailista halin Enero hasta Hulyo 28, 2018
Nagapanguna gihapon rong Negros Occidental nga may pinakamaabo nga kaso kung sa siin naka record it 2, 623 ag may 22 ro mga namatay.
Ginasundan it Aklan nga may 741 ka kaso ag 2 ro namatay, Iloilo nga may 689 ka kaso ag 2 ro namatay, Bacolod City nga may 455 ag 3 rong namatay, Capiz nga may 382 ka kaso ag may 2 nga namatay, Antique nga may 353 ka kaso ag may 3 nga namatay, Iloilo City nga may 211 ka kaso ag 2 rong namatay ag Guimaras nga may 59 ka kaso kung sa siin 1 ro namatay.
Bangud kara nagapadumdom sa gihapon rong DOH nga ipabiling malimpyo ro atong palibot agud nga malikawang mag-abo rong mga namok nga nagadaea it masakit nga dengue, ag mag pakunsolta kung may una nga mabatyagang sintomas it masakit nga dengue para mataw-an eagi it nagakaigo nga pagbueong.

Facebook Comments

From Advertisers