Davao City – Midangop sa Presinto 4 ang usa ka dentista human nga gihulga sa teroristang CPP-NPA-NDFP nga dagiton kini.
Saysay ni Dr. Marcell Micayabas, 39 anyos, minyo ug nagpuyo sa Avenue Airview, Sasa ning siyudad nga usa ka nagpailang NPA nga si Ka Daniel ang nanawag kaniya ug nanganti nga dagiton kini kung makaabot sa ilang pinuy-anan pasado 8:00 sa gabii.
Suma sa biktima nga samtang nagprepara kini aron mupauli nanawag ang suspek kaniya gamit ang cell phone number nga 09051760830 ug nagbahad nga kidnapon nila siya.
Dihang nangutana ang biktima unsay salaud niya sa kalihukan kalit na lamang gipalong sa nagpailang NPA ang iyang tawag ug dili na makontak.
Gumikan sa gibating kahadlok sa maong doktora gilayon kini miduol sa kuwerpo sa kapulisan aron pangayoon ang tabang ug aron ma-imbestigahan ang numero nga gigamit sa suspek.
Sa karon, wala pay na istablisar nga motibo ang mga otoridad sa tinguha ni Ka Daniel batok sa biktima.
RadyoMaN Joel Viray
