Yara na sa sais syenta porsyento ang preparasyon sang Department of Education (Dep. Ed. 12) para sa Brigada Eskwela subong nga school year 2018-2019 nga ipatigayon na sa Mayo 28 tubtob Hunyo 2, matapos nga gin-isol tungod sa patigayunon nga barangay kag Sangguniang Kabataan eleksyon.
Apang ginpaklaro ni Sir Agney Taruc, Brigada Eskwela Regional Coordinator sang Dep. Ed. 12 nga sa bag-o nga guidelines indi lang isa ka semana ang Brigada Eskwela kundi whole year round na ini.
Ginkumpirmar man ni Sir Taruc nga dire sa rehiyon ipatigayon partikular na sa General Santos City ang National Kick-off sang Brigada Eskwela matapos nga ini ang napilian sang Dep. Ed. Secretary tungod sa ginapatuman nga Innovative Brigada Eskwela sa sulod na sang duha ka tuig.sa diin ginaidentify ang eskwelahan sa kada division sa rehiyon nga pigado kag kulang sang suporta nga amo ang ginabuligan.
Sa subong duha ka mga eskwelahan sa General Santos City ang ginapilian nga mangin venue sang Kick-off sang Brigada Eskwela nga ipatigayon na sa Mayo 24.
