General Santos City–Wala gikumpirma ug wala usab gipanghimakak ni Deped Gensan School Division Superintendent Romelito Flores nga masibog na ang bag-ong nakatakdang school year alang sa 2020-2021 karung tuiga.
Sa pamahayag niini sa RMN Gensan nga hangtod karun iyaha pang ginapa-abot ang memorandum order gikan kang Deped Secretary Leonor Briones ug pirmado usab ni Pangulong Rodrigo Duterte.
Apan gipaklaro usab sa opisyal nga andam na sila sa Deped-Gensan kung unsa man ang mamahimong desisyon ni Secretary Briones sa planong pagsibog sa klase sa bulan sa Agosto tungod sa covid 19.
Dugang pamahayag ni Deped-Gensan School Division Superintendent Flores nga sa pagkakaron naga-andam usab sila kung unsay angay himoong pamaagi aron mapadayon ang edukasyon taliwala sa bahad sa corona virus.
Gani pamatuod niini nagpahigayon ang opisyal ug command conference niadtong milabay nga adalaw ngadto sa iyang mga school supervisors aron hisgutan ang maong plano.(Reynald Timario)
