General Santos City–Aminado karun si PNP-12 Regional Director General Alfred Corpus nga nagpabiling hulga sa seguridad ang padayon nga engkuwentro nga nahitabo sa Paticol Sulu, Maguindanao og Sultan Kudarat sa tibuok Rehiyon 12.
Kung asa migara na usab ang mga teroristang Abusayaff, BIFF, rebeldeng CPP NPA og ang padayong rido sa mga kumander sa mga moro front sa Maguindanao og Cotabato Province.
Kahibaloan nga ulahing panghitabo ang pagkamatay sa onse ka mga sundalo sa Sulu og pagkamatay sa laing upat ka mga sundalo sa Negros Occidental asa hinimoan sa mga kalaban sa gobyerno.
Sa kasamtangan ginapabantayan usab karon ni General Corpuz ngadto sa iyahang mga hepe sa kapulisan sa tibuok Region 12 ang nadawat nilang intel report nga padayon karon ang recruitment sa mga hilit nga lugar sa Region 12 sa mga rebeldeng NPA, BIFF og uban pang mga kalaban sa gobyerno.
Panawagan ni Gen Corpuz sa publiko nga tabangan sila sa kapulisan sa pagbantay sa kahusay og kalinaw gawas sa pagtuman sa mando sa gobyerno batok COVID 19.(Reynald Timario)
