General Santos City–Gidili matud pa ang pagpangolekta ug kwarta ngadto sa mga ginikanan sa nagpadayong balik eskwela program sa Dep-ed aron nga maprepara ang mga eskwelahan sa abri klase mao kini ang hugtanong pamahayag ni Mario Bermudez ang Assistant School Division Superintendent sa Dep-ed Gensan.
Sumala pa niini nga una na nilang gina awhag ang mga ginikanan nga dili muhatag ug kwrata sanglit mamahimo nila kining e-convert sa mga materials sa eskwelahan aron usab nga magamit sama sa pintirua kahoy ug uban pa.
Kini aron nga malikay matud pa sa kontrobersya ang mga maestra ug ang deped.
Samtang gi-angkon man usab ng Bermudez nga aduna gayuy gi-allocate ang lokal nga pangamhanan sa Gensan alang sa balik eskwela apan gipaklaro niini nga sa kasamtangan wala pa nila kini nadawat tungod kay anaa pa kini sa procurement karon apan gipaniguro niini nga panahon nga mahuman ug bid ug maaward na sa mga supplier gilayon kining mahatod sa mga tulunghaan.
Samtang Giawhag man usab ni Bermudez ang mga ginikanan nga nakolektahan ug cash sa mga maestra nga mahidangat sa ilahang opisina dala ang ilahang mga dukomento isip ibedensya aron nga gilayon nila kining maaksyonan ug mapatawag ang mga maestra o principal sa maong tulunghaan.
Gani bisan ang PTA ang ilahang gipahimangnuan nga dili usa mangulikta sa enrollment ug dili usab mamahimong pugngan nga maka-enroll ang mga bata kung wala nakaapil sa pagpanglimpyo ug mga classroom o dili ba kaha adunay kanhing mga balance tungod kay sukwahi matud pa kini sa balaud sa Deped. (Dave Silagan)
