Sarangani Province—Aminado ni DEPED-Sarangani School Division Superentindent Gildo Mosqueda nga sa hisgutanang pagpangandam alang sa pag-abli sa klase karong Agosto 24 ang dili matud pa sila 100 percent gayud nga andam.
Kini gumikan sa pipila lamang ka bulan ang gihatag kanila alang sa maong preparasyon sa bag-ong kabag-ohan sa klase sa pagtuon sa mga kabataan gumikan sa pandemya sa covid 19.
Sumala pa ni Mosqueda nga problema nila karon ang supply sa coupon bond nga maoy gamiton alang sa module nga ipanghatag sa mga estudyante apan ilang gipaningkamutan nga mahimo ang tanan aron dunay magamit ang mga kabataan sa ilang pag eskwela
Pag-angkon ni Mosqueda nga sagad ang gipili sa mga ginikanan ang modular learning gumikan sa kawad-on sa mga gadgets.(RV)
