Dungan sa pagbukas sa klase sa mga pampublikong tunghaan karong adlawa alang sa school year 2018-2019, subling nagpahinudmum ang Department of Education o Dep-Ed bahin sa pagpatuman sa no collection policy o pagdili nga mangolekta sa bayarunon sa mga estudyante.
Matud sa DepEd, posibling dunay moapas pa nga mga ginikanan nga i-enroll ang ilang mga anak busa gipahinumdum sa ahensya ang ilang kamandoan.
Ilalom sa DepEd order number 41 series of 2012, bawal ang mangolekta sa mga estudyante gikan kindergarten hangtud grade 5 sa tibuok school year.
Samtang Hunyo hangtud Hulyo usab epektibo ang no collection policy alang sa mga grade 5 hangtud grade 10.
Pwede lamang mangolekta ang mga tunghaan sa Agosto, basta kini boluntaryo ug dili compulsary o pinugos.
Lakip sa mga bayrunon nga gitugutan sa DepEd mao ang membership fee alang sa boy ug girl scout of the Philippines, anti tuberculosis fund drive, parent teachers association dues ug school publication fee.
