Davao City-Dili na bag-o sa Pilipinas ang giingong bird flu o avian virus, tungod kay nasinatian na kini sa ubang mga nasod sama sa China.
Sumala ni Dannie Apelo Department of Agriculture (DA-XI) bird flu spokesperson, ang mga nasinatiang virus sa Pampanga mao usab kini sa ubang nasod nga naapektohan ang ilang mga manok.
Gisulti ni Apelo, kompirmado nga bird flu o avian virus ang nadiskobrehan nga kagaw gikan sa mga manok sa Pampanga, base sa gihimong pagsusi sa mga nahingtungdang ahensya sa kagamhanan ug distributor sa mga karneng manok.
Wala gilimod ni Apelo, nga dakong epekto kini sa industriya sa manok sa nasod tungod kay mawad-an sa panginabuhi ang mga trabahante sa mga dagkong poultry farm, mga negosyante ug ang tawo nga makaangkon sa maong balatian.
Tungod niini gilayong mihimo ug action ang gobyerno sa pagpanguna sa Bureau of Animal and Industry ug Department of Agriculture, pinaagi sa pagpahibalo sa publiko aron makalikay, pag-awhag sa mga nagbuhi ug manok, pato, itik ug ubang kahayopan nga gilayong ipahibalo kung dunay makitang mga sakit sa ilang binuhi, aron malikayan ang pagkuyanap nga moresulta sa dakong perdisyon.
Kasamang Bernard Pantallon
ags: Mindanao, Davao City, DXDC, DXDC 621,Straight to the Point, Bernard Pantallon, Dr. Dannie Apelo, Department of Agriculture Region XI
