Gibutyag karon ni Zamboanga del norte School Division Supt. Nga ang pagpahigayon nila ug Early registration aron malakip kini sa planning data para sa mapping pinaagi na usab sa Alternative Learning System (ALS).
Tumong niini aron mahatagan ug budget para sa mga lawak saringan, ug mga gamit sa usa ka eskwelahan para sa mga magtutungha. Nalakip na usab niini ang mga kinahanglanon nga magtutudlo ug pag susi sa mga bag-ong item sa mga licensed teacher.
Sa pakighinabi niining inyong tigbalita ngadto kang Supt. Natividad gikabutyag niini nga padayon karon ang ilang pag imlementar sa Education for All (EFA) program aron sa ingon wala na’y mabilin pa nga mga Out of School Youth nga mga bata. Matod pa kung ang bata aduna kini kakulian sa iyang panglawas maghatag sila ug special education nga klase kung usa pud ka working ang bata anaa usab ang ALS program.
Kini karon ang gipaningkamotan sa Departmen of Education nga kinahanglan walay mga street children o mga bata nga maglaroy-laroy panahon sa ting eskwela.
Ang maong departmento makig alayon kini sila sa mga brgy. opisyales ug purok leaders aron magpahigayon ug mapping matag adlawng sabado uban usab sa mga personahe sa Deped.
Samtang ang mga kapitan niini mag butang pud ug mga kagawad nga mo tabang sa mga magtutudlo nga natahasan sa pag census.
