General Santos City—laing magtiayon na usab nga miyembro sa New People’s Army ang mitahan sa ilang kaugalingon sa Infantry (Neutralizer) Battalion sa Brgy. Felis, Malita, Davao Occidental.
Giila ang mga misurender nga silang si Bonio Dawa, Team Leader sa Yunit Militia ug asawa niini nga si Ligaya Dawa, mass supporter , ilawom sa Guerilla Front 71, far South Mindanao Region ug pulos residenti sa Brgy Little Baguio, Malita, Davao Occidental.
Nasayran nga bitbit sa magtiayon ang ilang M16 Rifle ug uban pang mga kagamitan panggubat. Rason sa mga nasangpit sa pagsurender mao ang kakapoy ug tumang gutom nga nasinatian nila samtang sila anaa sa kabukiran.
Sa karon ginahan-ay na ang mga dukumento sa mga nasangpit aron sila makakuha ug pinansyal nga tabang gikan sa gobyerno alang sa mga miyembro sa NPA nga mibalik sa sabakan sa gobyerno.
