*i Balita*
*December 20, 2020*
*(Photo from web)*
DEPARTMENT OF HEALTH, NAGPAANDAM SA PUBLIKO NGA POSIBLE MAGSAKA SA 4,000 KADA ADLAW ANG AVERAGE NGA KASO SANG COVID-19 MATAPOS ANG HOLIDAY SEASON
Nagpaandam ang Department of Health ukon DOH sa publiko nga mahimo magsaka sa 4,000 kada adlaw ang average nga kaso sang COVID-19 matapos ang holiday season.
Ginpahayag sang DOH nga posible masulit ang “peak” ukon pinakamataas nga lebel sang peligro sang COVID-19 nga na-agyan sadtong Agosto kon indi magpadisiplina ang mga tawo karon nga Disyembre matapos matumod ang amat-amat nga pagtaas sa mga kaso sang virus subong.
Siyam ka mga siyudad sa Metro Manila ang yara sa “moderate risk” na karon ikumparar sadtong Nobyembre nga yara sa “low risk” ang tanan nga siyudad.
Nagapanguna sa mga na-monitor sang pagtaas sang kaso ang mga siyudad sang Manila, Quezon City, Makati City kag Pasig City.
Magluwas sa NCR, na-monitor man sang DOH ang pagtaas sang mga kaso sang Regions I, II, Davao Region kag Cordillera Administrative Region ukon CAR.
*Tags**: Luzon, Visayas, Mindanao, Kandingmybangs, iFM Fans Club OFW Chapter, iFM iloilo*
