Gipahimangnoan sa Department of Health o DOH ang publiko kalabot sa paghimo sa self-medication ug pag-inom sa mga anti-biotics nga walay prescription gikan sa doktor.
Alayon niini, sa gipirmahang kasabutan sa Pilipinas sa Anti Microbal Resistance (AMR) sa bag-uhay pa lamang nga 31st Association of Southeast Asian Nations o ASEAN Summit sa nasud.
Matud ni Health Secretary Francisco Duque, ilang gilunsad ang *National Antibiotic Guidelines* aron maghatag sa dugang kahibalo sa paggamit o pag -inom sa mga anti-biotic.
Pahimangno ni Duque, dunay dakong implikasyon sa kahimtang ug panglawas sa usa ka adunay sakit ang basta-bastang pag-inom sa anti-biotics nga walay prescriptions gikan sa mga doktor tungod kay mas makaangkon og impeksyon.
Dugang pa ni Duque, makaangkon usab sa anti-biotic resistance o kawalay epekto sa anti-biotic batok sa mga mikrobyo sa lawas ang basta-bastang pag-inom sa anti-biotics.
web photo
