Gisiguro sa Department of Education – Malaybalay City Division ang ka-andam alayon sa unang adlaw sa pagbukas sa klase karong school year 2019-2020.
Sa interview sa RMN Malaybalay ngadto kang Assistant Schools Division Superintendent Sunny Ray Amit, gibutyag niini nga sukad pa kaniadtong ikaduhang semana sa bulan sa Mayo nagsugod na ang pagpangandam sa mga tulunghaan.
Andam na matud pa sila sa physical nga aspeto sa mga tulunghaan.
Hinoon gibutyag ni Amit nga adunay mamahimong kausaban sa pipila ka mga tulunghaan ilabina ug dili nila matag-an ang ihap sa mga mutungha sa usa ka particular nga eskwelahan.
Gibutyag sa opisyal nga sa kinatibuk-an aduna gayuy pagtaas sa ihap sa mga estudyante karong tuiga.
Alayon niini, gi-aghat sa DEPED ang mga ginikanan nga ipatungha ang ilang mga anak niining unang adlaw sa tingtungha.
