Bukidnon – Gipaabot na lamang daw karon sa DEPED Bukidnon Division kung magpasaka ba ug kaso ang ginikanan sa usa ka menor de edad nga namatay human nadigyas sa bato nga gitungtungan niini samtang nagkolekta ug mga video footage alang sa ilang science project sa lungsod sa Manolo Fortich.
Sa interview sa RMN Malaybalay ngadto kang Sunny Ray Amit, ang chief school governance and operation division gibutyag niini nga katungod usab sa ginikanan kung ipursige ang pagpasaka niini ug kaso batok sa usa ka magtutudlo.
Matud niya nga sa karon dili pa sila makahimo ug imbestigasyon tungod kay mag-agad lamang sila sa disciplining authority nga mao ang Regional Director sa DEPED 10.
Apan gipaniguro niini nga kung kung imando man ang pag-imbestiga ila kining himoon aron masayran kung aduna bay pa pagkulang sa bahin sa magtutudlo.
Apil matud pa sa ilang gustong masayran kung naa bay negligence sa bahin sa magtutudlo.
Una nang gipahayag sa Manolo Fortich PNP nga nanghunaw ang mga magtutudlo sa nahitabong kamatayon sa menor de edad sa Manolo Fortich, Bukidnon.
Gibutyag niini nga wala sugu-a sa magtutudlo ang ilang mga magtutuggha nga manguhag hulagway sa mga delikado ng lugar.
Kahinumduman nga namatay gumikan sa pagkuhag video ang magtutungha nga biktimang si Kyle Susana sa Kumaykay River sa San Gabriel, Sto Nino sa Manolo Fortich para sa ila matud pang science project.
