Davao City – Gimandoan na karon ni Department of Education (DepEd)-XI Regional Director Evelyn Fetalvero ang DepEd-Davao City nga imbestigahan ang insidenteng pagkasunog sa usa ka grade 9 student sa usa ka tulunghaan sa Calinan ning syudad sa Davao nga hingpit nang mipanaw.
Gibutyag sa DXDC RMN Davao ni DepEd-XI spokesperson Jenielito Atillo nga gihatagan ang DepEd-Davao og hangtud November 15, 2019 aron isumite ang findings kun resulta sa imbestigasyon.
“Gi-orderan ni regional director Evelyn Feltavero ang DepEd Davao City nga mag imbestiga. They are given up to November 15 to submit findings,” saysay mi Atillo.
Gibutyag ni Atillo nga samtang nagapadayon ang imbestigasyon, dili pa usab masuta kung unsa ang tulubagon sa eskwelahan labot sa insidente.
RadyoMaN Kirby Manzon
