DEPED GENSAN, MI-APILA SA PUBLIKO NGA DILI HIMUONG KATAW-ANAN ANG MGA SAYUP SA LEARNING MODULES!

20

General Santos City— Mi-apila ang Department of Education-Gensan sa publiko nga mas maayong diretsong ipahibalo sa ilahang buhatan ang makitang mga sayup ug kapakyasan sa gigamit nga mga learning modules, inay nga himuong kataw-anan sa social media.

Giangkon ni Deped Gensan Schools Division Superintendent Romelito Flores nga ilahang gikasakit nga ginahimong “trending” o “meme” sa social media ang mga makit-ang error sa grammar sa maong mga learning modules, inay nga ipahibalo kanila.


Gipasabot pa ni Flores, nga bisan pa man istrikto ang pagmonitor sa DEPED, dili matud pa malikayan nga adunay mga sayop mga learning materials. Dugang pa niya nga inay i-post sa social media, mas maayong i-deretso kanila aron nga ilahang ma-tama ang mga sayop.

Gipaniguro pa ni Flores, nga abli ang Deped nga modawat og mga kritisismo apan labaw’ng importante matud pa nga magtinabangay ang tanang stake holders aron mas mahimong epektibo ang educational system sa nasud.(LVR)

Facebook Comments