Giklaro sa DepEd – Malaybalay City Division nga ang mga high school lamang ang mamahimong mapailawom sa random drug test.
Sa interview sa RMN Malaybalay ngadto kang Sunny Ray Amit, assistant schools division superintendent gibutyag niini nga naglihok ang mao nga kamanduan hangtod sa kasamtangan.
Dili usab mabutyag ninii kung unsa nga mga tulunghaan ang ilang gipahigayon ang random drug test tungod kay hugot ang direktiba sa kadumalahan sa DEPED nga dili isapubliko ang pangalan sa mao nga tulunghaan.
Giklaro niya nga tumong sa mao nga lakang aron matabangan ang mga kabataan subay sa mga programa alang niini ug dili para ma-prosecute.
Unang masayod matud pa kung magpositibo ang mapailawom sa random drug testing mao ang ginikanan sa estudyante.
Ila usab nga ipailawom sa guidance program o kaha sa rehabilitation ang estudyante nga magpositibo.
Itugyan usab nila ngadto sa DSWD kung grabe na ang epekto sa ginadiling droga.
