Davao City – Hugot nga gikondena sa Department of Education (DepEd) ang gihimong pagpatay ug posibleng paglugos sa usa ka 16-anyos ug grade 9 student nga si Christine Silawan sa Sitio Mahayahay, Barangay Bankal Lapu-Lapu City, Cebu.
Sa pakighinabi sa DXDC RMN Davao kang Jenielito “Dodong” Atillo, spokesperson sa DepEd-XI, gisaysay niini usa ka babaro nga sistema ang pagpatay sa maong estudyante niadtong Marso 11, 2019 diin gipanitan pa ang nawong niini ayha gilabay sa bakanteng luna sa lugar.
“Ang Department of Education hugot nga nagkondena niining barbaro nga sistema sa pagpatay niadtong Grade 9 student nato sa Lapu-Lapu City. This is actually to the highest level, ang maong panghitabo. We condemned also the situation to the highest of all levels.”
Nakigduyog usab ang departamento sa pagsubo sa pamilya sa biktima ug nanghinaut nga mapadali ang pagkab-ot sa hustisya. Gani, gihagit sa DepEd official ang mga awtoridad nga paspasan ang pagsikop sa mga responsable sa maong krimen.
Nanawagan usab karon ang DepEd-XI spokesperson sa mga pamilya o ginikanan sa tanang bahin sa Davao region ingon man sa mga pampubliko ug pribadong tulunghaan nga mas pa lig-onon ang pamaagi sa pag pagbantay sa mga kabataan.
“We urge the parents to always remind our children ug kung mahimo magplastar gayud og hugot nga sistema sa regulasyon sulod sa pamilya kabahin sa paglakaw or pag-uli sa atong kabataan. Always natong bantayan ang ilahang mga kalihokan.”
Sa karon sumala pa sa opisyal nga nagpagawas na og memorandum ang DepEd School’s Division School’s Office sa Lapu-Lapu City, Cebu labot sa pagpalig-on sa ilang regulasyon ug polisiya labot sa seguridad sa mga kabataan.
RadyoMaN Kirby Manzon
