Dipolog City-Ang Department of Education-IX mo host sa 2018 National Brigada Eskwela Awarding Ceremony nga nagdala sa Tema: “Pagkakaisa Para sa Handa, Ligtas at Matatag na Paaralan Tungo sa Magandang Kinabukasan.”
Dinhi kini himoon sa dakbayan sa Dipolog, partikular sa may Provincial Convention and Sports Center, karong adlawng byernes Nov. 23, 2018, magsugod ang maong aktibidad gikan 1:00PM- 4:00PM.
Tumong niini nga kalihukan mao ang pag ila sa mga Best Implementers sa Brigada Eskwela Program sa Department of Education sa tibuok nasud sa Pilipinas.
Kini nga kalihukan tambungan ni Deped Sec. Leonor Magtolis Briones , nga Undersecretaries, Bureau Directors, Regional Directors, Deped Partners, local Government leaders ug uban pang mga bisita gikan sa laing ahensya sa gobyerno.
Sa pagkakaron nangandan na pag ayo ang mga opisyales sa Deped Zamboanga del norte sa pagpanguna ni DEd Pedro Natividad, aron inig abot sa adlaw kun asa himoon ang maong awarding dili na magkalandrakas.
Gidugang pa ni SDS Natividad nga sa central office ang maong inisyatiba pero ang Zanorte Deped ang naghatag ug sa work force.
Gibana-bana mo abot sa 1,400 ka mga indibidwal ang mo anhi diri gikan sa nagkadaiyang rehiyon.
