Subling nagpahinumdom ang Department of Education kalabot sa pagpatuman sa no collection policy o pagbawal nga mangolekta sa bayrunon sa mga estudyante.
Sa interview sa RMN Malaybalay ngadto kang Sunny Ray Amit, ang assistant schools division superintendent sa DepEd-Malaybalay gibutyag niini nga mamahimong adunay mugukod pa nga mga ginikanan nga i-enroll ang ilang mga anak maong gipahinumdom sa ahensiya ang ilang kamanduan.
Sa ilawom sa DepEd order number 41 series of 2012, bawal ang mangolekta sa mga estudyante gikan kindergarten hangtod grade 5 sa tibook school year.
Samtang June hangtod July usab epektibo ang no collection policy alang sa mga grade 5 hangtod grade 10.
Mamahimo lamang mangolekta ang mga tulunghaan sa Agosto, basta kini boluntaryo ug compulsary o pugsanay.
Apil sa mga bayrunong gitigutan sa DepEd ang membership fee alang sa boy ug girl scout of the Philippines, anti tuberculosis fund drive, parent teachers association dues ug school publication fee.
