Davao City – Positibo ang Department of Education (DepEd) nga makab-ot ang target nga ihap sa enrollment karon nga tuig luyo sa sitwasyon sa Coronavirus Disease 2019 (COVID-19).
Sa interbyu sa DXDC RMN Davao kang Jenielito Atillo, Spokesperson sa DepEd-XI, gibutyag niini nga as of 1:00PM karong adlawa (July 7, 2020), anaa na sa 927,119 ang total enrollees sa public schools diin ang Kindergarten nagbaton og 61,673 enrollees, Elementary (485,774), Junior High School (295, 227) ug Senior High School (84,445).
Samtang, sa private schools, anaa pa lamang sa 51,815 ang enrollees diin ang Kindergarten nagbaton og 1,447, Elementary (9,202), Junior High School (18,517) ug Senior High School (22,649).
Gikumpirma ni Atillo nga adunay gikan sa private schools nga nibalhin og public schools gumikan sa epekto sa COVID-19 pandemic apan naglaum kining madugangan pa ang enrollees sa private schools ingon man sa public schools sa nahibiling adlaw sa enrollment diin extended kini hangtud July 15, 2020.
RadyoMaN Kirby Manzon
