Davao City – Gipanawagan karon sa Department of Education (DepEd) sa mga ginikanan nga kanunayng i-monitor ang ilang mga anak labi na nga dakong oras sa nahisgutan anaa diha sa eskwelahan.
Sa interbyu sa DXDC RMN Davao kang Jenielito “Dodong” Atillo, spokesperson sa DepEd-XI, gisaysay niini nga kini aron dili na masubli pa ang nahitabong cyberbullying nga gikalambigitan sa mga estudyante sa Daniel R. Aguinaldo National High School (DRANHS).
Gibutyag ni Atillo nga gawas sa eskwelahan nahitabo ang insidente diin walay magtutudlo ang nakabantay niini.
“We would like to really transcend this message specifically didto sa mga ginikanan aron ilahang paningkamutan aron ma-determinar pud kung unsa ba gyud ang adlaw-adlaw nga lihok or activity sa ilang mga anak gumikan kay majority of their time is actually being spent in the school,” saysay ni Atillo.
Kahinumduman nga bag-ohay lamang miani og nagkalain-laing reaksyon sa social media ang video sa dumog sa duha ka babaeng estudyante sa maong eskwelahan diin 21 ka mga estudyante ang anaa usab atol sa insidente diin sa pagkakaron nagapaabot na lamang ang DepEd sa resulta sa gihimong imbestigasyon labot niini.
RadyoMaN Kirby Manzon
