Davao City – Padayon gihapon ang pag-awhag sa Department of Education (DepEd) sa mga ginikanan sa pagpa eskwela sa ilang mga anak sa abri klase pinaagi sa bag-ong sistema sa pagtuon gumikan sa Coronavirus Disease 2019 (COVID-19).
Sa One Davao on COVID-19 Virtual Presser pinaagi sa Philippine Information Agency (PIA) Davao Region, gibutyag ni Jenielito Atillo, Spokesperson sa DepEd-XI nga sa gihimong remote enrollment sa mga magtutudlo, aduna gayoy mga ginikanan nga dili intresado nga mupa-eskwela sa ilang mga anak hangtud nga wala pay bakuna batok COVID-19.
“Sa gi-conduct namo karon nga remote enrollment, we’re hearing reports about parents nga dili sila intresado mupa-eskwela sa pagkakaron unless and until vaccine is in,” saysay ni Atillo.
Gi-esplikar ni Atillo nga abri ang departamento sa posibilidad nga dili maabot ang kapin usa ka milyon nga learners karon nga tuig kung itandi sa milabay nga school year.
Gipasabot sa tigpamaba sa DepEd-XI nga anaa gihapon sa ginikanan ang pinal nga desisyon sa pagpa eskwela sa ilang mga anak ug gi-respito kini sa departamento.
RadyoMaN Kirby Manzon
